या पुस्तकातून सुज्ञ आणि धूर्त लालचंद गुप्ता तुम्हाला दलाल स्ट्रीटवरून 1991पासूनच्या शेअर बाजाराच्या सर्वसमावेश इतिहासाची रोमहर्षक सफर घडवून आणतो. तंत्रज्ञान क्षेत्रातील शेअर्समधील भरभराटीच्या काळापासून, बँकांना देय करांमधील चुकवेगिरीपर्यंत आणि पैशाच्या बेकायदेशीर हस्तांतरणापर्यंत सारं काही लालाला माहीत आहे. बाजारातील गैरव्यवहार, तसंच फिक्सर आणि गुंतवणूकदार यांना बसलेले फटके या सगळ्या गोष्टी लालानं पाहिल्या आहेत. अगदी अलीकडच्या काळापर्यंत बॉम्बे स्टॉक एक्स्चेंजमध्ये घडणार्‍या घडामोडींविषयीची बारकाईनं केलेली निरीक्षणंही या पुस्तकात सापडतात. शिवाय लालाच्या स्वतःच्या वैशिष्ट्यपूर्ण शैलीत लाला हुशारीनं कशी गुंतवणूक करावी, याविषयीच्या काही खाचाखोचाही सांगतो.